Milani ka njoftuar zyrtarisht emërimin e Stefano Cocirios si shefi i ri financiar i klubit.
Cocirio iu bashkua Elliott Management në 2015, ku ai punoi me kuqezinjtë si një menaxher portofoli, duke bërë kështu një punë të kënaqshme.
Anëtar i bordit të drejtorëve të Milanit që nga viti 2018, Cocirio u largua nga fondi amerikan në 2022 për të qëndruar me skuadrën e Serisë A, duke u bashkuar me Gerry Cardinale dhe projektin e RedBird.
“AC Milan njofton zyrtarisht emërimin e Stefano Cocirio, anëtar i Bordit të Drejtorëve që nga viti 2018, si Drejtor Kryesor Financiar i Klubit. Si CFO, duke raportuar drejtpërdrejt te CEO Giorgio Furlani, Cocirio iu dha kompetencat për të koordinuar fushat e financës, administratës, thesarit, blerjeve dhe kontrollit të menaxhimit të AC Milan, me qëllim forcimin e strukturës në procesin e vazhdueshëm të rritjes dhe zhvillimit, duke marrë pjesë aktive në vendimet strategjike menaxheriale.”-njofton klubi. Cocirio, do të ndihmojë në koordinimin e menaxhimit financiar dhe investimeve të klubit.
