Futboll Seria A Sport

RIFILLIMI I KAMPIONATIT TË SERIE A/ Bonucci: Më në fund kemi një datë, jemi gati!

Pas në ndërprerjeje prej gati 3 muajsh, futbolli në Itali do të rikthehet më 13 qershor me ndeshjet gjysmëfinale të Kupës së Italisë, ndërsa prej 19 qershorit do të startojnë edhe ndeshjet e Serisë A, që do të zhvillohen çdo tre ditë, me synimin për të mbyllur sezonin brenda fillimit të gushtit, siç është parashikuar nga UEFA.

Klubet kanë rifilluar stërvitjen prej ditësh dhe po mundohen të sjellin në formë sa më të mirë futbollistët për sprintin veror, ndërsa njëri prej tyre, mbrojtësi i Juventusit Leonardo Bonucci nuk e ka fshehur kënaqësinë që më në fund do të mund të zbresë në fushë.

Nëpërmjet një postimi të shpërndarë në rrjetet sociale, Bonucci ka shprehur gjithë gëzimin për caktimin e një date dhe është munduar të motivojë shokët e tij, duke u shprehur se ndihet gati për të fituar sërish.

“Më në fund kemi një datë. Një sinjal që na bën të mendojmë se të gjithë së bashku mund të rikthehemi të ëndërrojmë, por të ëndërrojmë për diçka që është kthyer në realitet. Një fillim i ri. Mungonte futbolli dhe edhe pse nuk do të jetë si ai i pari, me mijëra njerëz që e mbështesin nga shkallët e stadiumit, do të dijë të përcjellë të njëjtat emocione si më parë. Sepse futbolli është pasion edhe në distancë. Ne këtë pasion jemi gati ta sjellim në fushë, aty ku jemi të sigurt që tifozët tanë janë të pranishëm me zemër. Gati sërish për një objektiv të vetëm. Të fitojmë!”, shkroi Bonucci në Instagram.

Related posts

SPECIALE/ Njihuni me 10 skuadrat që kanë shënuar më shumë gola në Kupat e Botës

Sadik.Autor

BUXHET I FRIKSHËM I REAL MADRID/ 400 milionë euro për t’u bërë “galaktik”, ja përforcimet e bujshme

Delo.autor

Flamurtari mposht Skënderbeun në gjysmëfinalen e parë

Sadik.Autor

Leave a Comment