C.O i pësuar përballë Real Madrid ka trazuar jo pak ambientin në shtëpinë e Barcelonës. Pavarësisht se janë shumë pranë titullit në La Liga, vetëm kaq nuk mjafton, dukshëm ekipi i Xavi e ka të vështirë të jenë konkurrues në nivele të larta, këtë e vërtetoi eliminimi në Champions që në fazën e grupeve, eliminimi nga United në Europa League dhe së fundmi eliminimi përballë Realit në Kupën e Mbretit.
Drejtuesit e klubit kanë nisur që tani të mendojnë për sezonin e ri ku planifikohet një tjetër revolucion, por sigurisht një sy e kanë edhe nga UEFA, ku rrezikojnë jo pak një dënim për çështjen e arbitrave.
Sipas Sport, Leo Messi është emri i parë në listë, rikthimin e “pleshtit” po e shtyjnë gjithnjë e më shumë tifozët të cilët në çdo ndeshje thërrasin emrin e tij në kor. Një tjetër “big” që pritet në “Camp Nou” është edhe Bernardo Silva, ndërsa Aubameyang mund të vijë vetëm nëse largohet falas nga Chelsea.
Në të njëjtën linjë është edhe Mundo Deportivo, e përditshmja tjetër spanjolle pranë klubin blaugrana: “Messi dhe firma të tjera”, shkruan Mundo.
