Dëmtimi i Paul Pogba-s në sfidën kundër Cremonese duket më pak i rëndë se sa parashikohej. Mesfushori francez iu nënshtrua testeve mjekësore të cilat treguan një tërheqje të lehtë në muskulore në kofshën e majtë.
Pogba ka nisur menjëherë fazën e rikuperimit, por në çdo rast, edhe në versionin më të mirë, Pogba-s i duhen të paktën 20 ditë për tu rikuperuar, praktikisht sezoni i tij mund të konsiderohet i mbyllur.
Pavarësisht dëmtimit, i radhës për Pogba-n, sipas La Gazzetta dello Sport, drejtuesit e Juves vijojnë të besojnë te francezi. Pogba mbetet në qendër të projektit edhe për sezonin e ri, për më tepër që ka një kontratë afatgjatë dhe të mirë paguar.