Euroderbi Inter-Milan po pritet me interes të madh jo vetëm nga tifozët e dy skuadrave por nga të gjithë sportdashësit. Ditën e djeshme u raportua se stadiumi “San Siro” për ndeshjen e parë gjysmëfinale të Ligës së Kampioneve, është zyrtarisht “sold out”, duke mos mbetur asnjë biletë.
Kjo ka bërë që drejtuesit e Interit të ndryshojnë politikën për shitjen e biletave. Për shkak të kërkesave të shumta për një biletë, Inter ka vendosur të tërheqë nga tregu të gjitha biletat dhe shitja e tyre do të bëhet vetëm për tifozët zyrtarë të cilët mbajnë një kartë anëtarësimi ose abonime vjetore.
Ditën e sotme do të nisë shitja e biletave për tifozët e Milanit për ndeshjen e kthimit dhe pritet që vetëm brenda pak orësh, stadiumi të jetë “sold out”. Çmimet e biletave për tifozët miq, do të nisin nga 69 euro ndërsa për tifozët e Interit, janë të ndarë në disa kategori.
