Teuta mbylli një sezon jashtë objektivave sezonal, jashtë Evropës, duke sjell një efekt domino të madh në radhët e ekipit bregdetar. Stafi drejtues ka nisur të projektojë sezonin e ri ku pas largimeve me peshë, klubi durrsak ka bërë zyrtare trajnerin e ri:
Diego Longo, ish trajneri i Kukësit dhe Flamurtarit, është trajneri i ri i Teutës.
Me anë të një postimi në faqen zyrtare, klubi i Teutës njoftoi arritjen e marrëveshjes me teknikun italian. Për ironi të fatit, i pari që e bëri publik këtë vendim ishte ish trajneri Edi Martini.
