Aventurë e re për Slaven Bilic. Ish-trajneri i Kroacisë, i kthyer nga një eksperiencë në Premier League në krye të Watford-it, nënshkruan në Arabinë Saudite duke marrë stolin e Al Fateh.
Klubi saudit ka njoftuar ardhjen e teknikut, i cili në karrierën e tij ndër të tjera ka drejtuar Besiktas-in dhe West Ham-in. Zyrtarizimi erdhi me një postim në kanalet sociale.
Arabia Saudite është shndërruar në një realitet të ri në futbollin botëror, ku përveç lojtarëve të mëdhenj, po “peshkon” edhe trajnerë të rëndësishëm. Kujtojmë që edhe Steven Gerrard firmosi për Al Ettifaq pak ditë më parë.
