Interi ka siguruar një afrim të rëndësishëm. Zikaltërit kanë zyrtarizuar prurjen më të re. Bëhet fjalë për anësorin Juan Cuadrado, i cili vjen në Milano si lojtar i lirë, pasi i kishte përfunduar kontrata me Juventusin.
Futbollisti nga Kolumbia ka nënshkruar për një sezon. Cuadrado ka qenë protagonist absolut me bardhezinjtë në vitet e fundit, teksa numëron mbi 100 paraqitje në Serie A me “Zonjën e Vjetër”.
Trajneri i Interit, Inzaghi ka kërkuar transferimin e tij për shkak të eksperiencës që lojtari në fjalë ka. Nënkampionët e Europës tashmë do të fokusohen në blerjen e një sulmuesi, pasi reparti i avancuar nuk është plotësuar ende.
