Manchester City dëshiron të bindë Erling Haaland që të rinovojë kontratën e tij. Siç raporton TeamTalk, “Qytetarët” tashmë kanë shprehur dëshirën e tyre për të nënshkruar një marrëveshje të re me sulmuesin norvegjez. Megjithatë, i njëjti burim specifikon se një marrëveshje mes palëve nuk është e afërt.
Haaland, autor i 17 golave dhe 4 asistimeve në 18 paraqitje në këtë pjesë të parë të sezonit, aktualisht ka një kontratë deri në vitin 2027.
“Kur të gjithë janë gati për një ndryshim, ai do ta bëjë atë. Ai nuk është lloji i lojtarit që thotë: “Po largohem, lamtumirë, nuk dua të di asgjë”. Nuk është kështu. Pra gjithçka do jetë e qartë”, ishin fjalët e agjentit, Rafaela Pimenta.