Për shkak të problemeve të fundit fizike të portierit Manuel Neuer, Bayern Munich vendosi një bast të fortë te Sven Ulreich mes shtyllave në 12 raste te sezonit.Ish-lojtari 35-vjeçar i Hamburgut, pavarësisht se ka qenë gjithmonë rezervë e Neuer, ka garantuar paraqitje të shkëlqyera, aq sa drejtuesit bavarez po mendojnë të firmosin kontratën e re me “gardianin”. Siç raportohet nga SkySport Dem, portieri Ulreich do të nënshkruajë deri në qershor 2025.
Gjermani ka luajtur jo pak, por 8 sezone me kampionët e Bundesligës. Kujtojmë që vitet e para të karrierës i pati te Stuttgart, aty ku luajti gjashtë edicione. Te Bayern Munchen ka ende shumë çështje të hapura, të cilat presin zgjidhje. Në merkaton e janarit priten pak ndryshime, ndërsa vëmendja më e madhe do jetë te ajo çka do prodhojë vera.
