Real Madrid tregohet i pamëshirshëm në ndeshjen e kësaj jave në kampionat, teksa fitoi me goleadë 4-0. Pavarësisht se përballë ishte një ekip rival për titullin, në fushë, madrilenët nuk hasën shumë vështirësi, madje mbyllën llogaritë që në pjesën e parë me golat e Vinicius dhe Bellingham.
Në pjesën e dytë, Los Blancos e patën thjeshtë stërvitje. Bellingham kompletoi dopietën, ndërsa edhe Rodrygo vendosi emrin në listën e golashënuesve. Reali kryeson kampionatin me 61 pikë, 5 më shumë se Girona. Spektakli i La Liga nuk ka përfunduar për sonte. Në Estadio de Gran Canaria (Las Palmas), Las Palmas pret Valencian.
