Kombëtarja e futbollit pret nesër në “Air Albania” duke nisur nga ora 20:45 Ukrainën për Ligën e Kombeve. Pas konferencës për mediet, Sylvinho ka nxjerrë ekipin në stërvitjen gjenerale në “Air Albania”.
Trajneri konfirmoi se Jasir Asani do marrë një ngarkesë të lehtë dhe më pas do shihet si do shkojë stërvitja e tij. Ende nuk ka një rezultat përfundimtar nëse shkupjani do mundet ose jo të jetë nesër mbrëma në fushë. Ai i është nënshtruar rezonancës magnetike dhe gjithë kontrolleve mjekësore pas lëndimit kundër Çekisë, aty ku e la fushën pas 30 minutave lojë.
