Elseid Hysaj ka bindur trajnerin e Lazios, Marco Baroni. Mbrojtësi shkodran është futur në listën finale të bardhekaltërve për pjesën e mbetur të sezonit në Serie A. Hysaj u rithirr në ekip gjatë janarit dhe me paraqitjet e tij ka ndryshuar kursin e trajnerit, që do e ketë tanimë të gatshëm.
Veç paraqitjes së mirë, Hysaj ka dhënë edhe dy pasime finale në ndeshjet e fundit, teksa ka një dëmtim të lehtë. Grumbullimi i Hysajt në ekip ka lënë jashtë mbrojtësin Pellegrini.
Kujtojmë se Hysaj u la jashtë nga ekipi i parë i Lazios për pjesën e parë të sezonit, pasi iu kërkua largimi nga drejtuesit gjatë merkatos së verës 2024 për shkak të pagës së lartë, por shkodrani refuzoi largimin.
