Në Ligue 1 Paris SG arriti të siguronte matematikisht titullin kampion në javën e 28 të kampionatit. Të besuarit e Luis Enriques mposhtën minimalisht 1-0 Angers, por që ishte e mjaftueshme për të siguruar titullin e 13 në histori.
Askush s’ka fituar më shumë kampionate se Paris SG në Francë, pasi ndjekësi më i afërt është Saint Etiene me 10 trofe. Paris SG gjithashtu u bë ekipi i parë që mbetet i pamposhtur pas 28 javëve të para që nga viti 1995. Ky ishte titulli i 11 në 13 edicionet e fundit në Francë, me afrimin e sheikëve të Katarit që solli ndryshimin drastik të fatit të tij.
