Në ambientet e Federatës Shqiptare të Futbollit u hodh këtë të premte shorti për edicionin 2025-26 në Kategorinë e Parë. Gjithsesj në këtë kampionat do marrin pjesë 12 skuadra, ku pas 33 javëve të rregullta do mësohet skuadra kampione dhe ato që rrëzohen. Dy vendet e para shkojnë direkt në elitë, ndërsa ekipet nga pozita 3-6 i drejtohen një play-off dhe fituesi i saj do luajë shanset për në Superligë me vendin e tetë të renditur në Superligë. Kategoria e Parë është programuar të startojë më 23 gusht 2025 dhe të përfundojë më 2 maj 2026.
Skuadrat e Kategorisë së Parë për edicionin 2025-26:
KF Laçi, KF Skënderbeu, KS Besa, KF Burreli, KF Pogradeci, FK Apolonia, FC Lushnja, KS Korabi, KS Kastrioti, FK Kukësi, KF Iliria dhe AF Luftëtari.
Skënderbeu – Burreli
Iliria – Laçi
Kukësi – Apolonia
AF Luftëtari – Korabi
Besa – Kastrioti
Pogradeci – Lushnja
