Në prag të eventit UFC-246, që zhvillohet këtë fundjavë në Las Vegas, presidenti i arteve marciale mikse Dana White ka folur për momentin që po kalon ky sport. Ai ka hedhur poshtë zërat për ndeshje të trukuara e të paracaktuara.
“Është fakt i pakundërshtueshëm që këtu nuk bëhesh dot kampion bote pa derdhur gjak. Të gjithë e dinë se kur vendos të hedhësh hapin e parë në këtë sport do të vuash shumë”, tha Dana White.
“Këtu nuk ka duele të lehta, nuk ka duele të trukuara. Ne nuk kemi dështakë në këtë sport, as kanaçe që i përthyen kollaj. Ne këtu kemi profesionistë, kemi vrasës që paguhen për të derdhur gjak dhe fituar. Vetëm kështu mund të shpallesh kampion”, u shpreh presidenti i UFC-së, Dana White.
