Kapiteni i kombëtares kroate, Luka Modric ka akuzuar gazetarët anglezë dhe ekspertët për mungesë respekti ndaj lojtarëve të Kroacisë dhe pranoi se shokët e tij të skuadrës kishin përdorur këto kritika për t’i motivuar ata në fitoren kundër Anglisë në gjysmëfinale të Kupës së Botës.
“Njerëzit po flisnin … gazetarë anglezë, ekspertë nga televizioni. Ata e nënvlerësuan Kroacinë sonte dhe ky ishte një gabim i madh. Të gjitha këto fjalë që dëgjuam, lexuam dhe thamë menduam: Mirë, sot do të shohim se kush do të jetë i lodhur. Ata duhet të jenë më të përulur dhe të respektojnë më shumë kundërshtarët e tyre. Ne treguam përsëri se nuk ishim të lodhur – dominuam lojën mendërisht dhe fizikisht.
“Duhet ta kemi vrarë këtë lojë edhe para kohës shtesë. Kjo është një arritje mahnitëse për ne. Kjo është një ëndërr e realizuar pas një kohe kaq të gjatë. Ne jemi në finale dhe ky është suksesi më i madh në historinë e Kroacisë. Duhet të jemi krenarë.”-deklaroi Modric.
Mesfushori 32 vjeçar është lojtari kyç i kësaj Kroacie, ndërkohë që nëse ballkanasit do ia dalin të triumfojnë në “Luzhniki” mbrëmjen e 15 korrikut, Modric është një prej kandidaturave më të forta për të fituar “Topin e Artë”.
