Ardhja e Cristiano Ronaldos shton ambiciet e Juventusit. Beppe Marotta dhe Fabio Paratici janë duke punuar intensivisht për ti dhuruar teknikut Allegri një skuadër në lartisinë e duhur për të arritur tek trofeu i Champions League-s, trofe që u mungon bardhezinjve që prej 1996-ës. Me transferimin e Ronaldos, Juventus duke se i ka hapur rrugë afrimeve të lojtarve me peshë, por edhe të kushtueshëm njëkohësisht. Objektivi i radhës është Milinkovic Savic për të cilin Zonja e Vjetër ka gati planin për të mundur realizimin e këtij operacioni.
Për serbin është në garë edhe Reali i Madridit, teksa në krahun tjetër presidenti i Lazios, Claudio Lotito ka vendosur çmimin 140-150 milionë euro për ta lënë të lirë Savic. Kampionët e Italisë kanë një strategji të qartë për të siguruar shërbimet e mesfushorit. Ata janë të gatshëm t’u japin bardhekaltërve njërin mes Cuadrados dhe Mandzukic. Kolumbiani pëlqehet shumë edhe nga tekniku i klubit roman, Simone Inzaghi dhe është për skemat e tij është personi i duhur.
Ndërsa Mandzukic mund ta kërkojë largimin pas dëshiron të rikthehet në rolin që ai luan atë të sulmuesit të qëndrës gjë të cilën tek bardhezinjtë nuk po e bën dot pasi Allegri e ka spostuar në krahë.
Rivaliteti me Realin e Madridit mbetet pasi duan me çdo kusht që largimin e Ronaldos ta zëvendësojnë sa më shpejt duke i bërë si dhuratë tifozëve disa transferime të rëndësishme, ku krahas emrave si Neymar, Mbappe dhe Hazard qëndron edhe Milinkovic-Savic.
Sidoqoftë Juventus pritet t’i sigurojë të ardhurat për mesfushorin serb, pasi bardhezinjtë pritet të kenë edhe disa largime.100 milionë euro Juvja mund t’i përfitojë vetëm me largimin e Higuain dhe Rugani për të cilët Chelsea qëndron pas dere.
