A janë mërzitur lojtarët nga largimi i Contes? Të premten ne mëngjes është zhvilluar seanca e parë stërvitore e Chelsea-t pa trajnerin italian Antonio Conte, pas shkarkimit të tij zyrtar nga posti drejtues në Stamford Bridge.
Skuadra është informuar për largimin e trajnerit zyrtarisht nga klubi para zyrtarizimit të tij. Ekipi as nuk kishte shtuar qoftë edhe një fjalë për të falenderuar Conten për kontributin e tij në informacionin e largimit të tij. Po lojtarët a janë mërzitur nga ky largim?
Mesa u vu re në ditën e parë të stërvitjes pa trajnerin, ata ishin gati për ndryshimin, jo vetëm që nuk u shfaqën të mërzitur por janë fotografuar duke buzëqeshur me njëri-tjetrin dhe mjaft të lumtur.
Maurizio Sarri ka nënshkruar për dy vite me londinezët, por zyrtarizimi i tij do të bëhet të hënën, pas mbylljes së Botërorit.
