Barcelona po e kërkon me ngulm lojtarin e Çelsit, Uillian. Ekipit spanjoll duket se i bëri shumë përshtypje paraqitja e lojtarit në Kupën e Botës sa që bënë edhe një ofertë zyrtare te klubi anglez. Plotë 60 milionë euro janë ofruar nga klubi katalanas për të marrë shërbimet e brazilianit.
Ndërkohë sipas asaj që raporton “Mundo Deportivo”, marrëveshja midis klubeve është arritur dhe një lojtar që ka bërë një punë të mirë me Uillian ka qenë shoku i tij që luan te Brazili, Filipe Kutinjo. Lojtari i Barcelonës duket se e ka bindur “yllin” e Çelsit për të luajtur në “Kamp Nou”.
