Trajneri Tite ka rinovuar kontratën e CBF dhe do të vazhdojë të komandojë përfaqësuesen Braziliane deri në përfundim të Kupës së Botës 2022.
Marrëveshja është finalizuar këtë të mërkurë. Shuma që do të fitojë trajneri nuk është bërë e ditur.
I punësuar nga Federata Brazilaine më 2016, trajneri kishte një rrogë 600,000$ në muaj dhe thuhet se nuk do të ketë një rritje rroge në kontratën e re.
Që përpara se të zhvillohej Botërori, atij iu ofrua një rinovim kontrate.
Në Rusi, skuadra e Tite-s u eliminua nga Belgjika 2-1 në çerekfinale. Pas disfatës, trajneri nuk u fajësua për dështimin duke marrë një tjetër propozim për rinovimin e kontratës.
Ai do të grumbullojë Brazilin në shtator, për miqësoret e Amerikës.
