Sedat Berisha është zyrtarisht lojtar i lirë. Mbrojtësi shkupjan ka fituar gjyqin me klubin e Vllaznisë dhe krahas 3 pagave të pashlyera, ai sot ka marrë edhe lejekalimin nga shkodranët. Fillimisht ai doli i fituar në gjyqin e hapur në FIFA për pagat, ndërsa sot ka marrë dritën jeshile për të qenë futbollist i lirë. Kësisoj, shtatlarti me shumë gjasë do të transferohet te Tirana.
Bardheblutë dëshirojnë edhe një lojtar në fazën difensive e në këto kushte Berisha mund t’i bashkohet 24-herë kampionëve të vendit në ditët e ardhshme. Kujtojmë që ai ishte në kontratë me skuadrën e Vllaznisë deri në fund të muajit dhjetor, por sot gjithçka ka marrë fund mes palëve.
