Wayne Rooney gjen më në fund golin në radhët e DC United, ku u transferua vetëm pak javë më parë nga Manchester United.
Sulmuesi anglez shënoi golin që zhbllokoi takimin në fitoren 2-1 me Colorado Rapids, pak pasi shoku i skuadrës së Shkëlzen Gashit (Gashi nuk ishte grumbulluar për këtë takim), Acosta, kishte humbur një 11-metërsh. Acosta realizoi golin e barazimit në të 82-ën, ndërsa në minutën e fund Jackson i Colorados realizoi autogol. Një fitore shpresëdhënëse kjo e DC United, që vazhdon të mbajë vendin e fundit në Konferencën e Lindjes, me vetëm 4 fitore në 18 takime. Me Rooney në fushë skuadra nga Washingtoni ka fituar dy dhe humbur po kaq takime.
