Pushim për shumë lojtarë, jo për të gjithë. Eshtë e vërtetë që Luciano Spalletti i ka dhënë ekipit të tij dy ditë e gjysmë pushim, pas stërvitjes së sotme rikthimi është programuar të mërkurën në mëngjes, por nesër në “Appiano” priten Joao Mario dhe Matias Vecino, që i kanë zgjatur pushimet më shumë për shkak të Kupës së Botës.
Mbrojtësi dhe mesfushori do të stërviten veçmas, nën ndihmën e stafit të Spalletti, për të filluar përgatitjen me synimin e gjetjes së formës sa më shpejtë të jetë e mundur, duke u barazuar me pjesën tjetër të ekipit.
Por në “Appiano” nuk do të jetë Joao Mario. Teorikisht, portugezi i ka mbyllur pushime, por klubi ka vendosur ta plotësojë dëshirën e tij për të qëndruar larg ekipit derisa të gjejë një zgjidhje për të ardhmen.
Ndërkohë, kapiteni zikaltërt Mauro Icardi po shijon pushimet në shtëpinë e tij me pishinë, me pamje nga “San Siro”, si e dëshmon edhe kjo fotografi e postuar në rrjetin social “Instagram”. Bashkë me të është edhe blerja e re, Lautaro Martinez, një dëshmi që relatat mes tyre janë të shkëlqyera brenda dhe jashtë fushës së lojës.
