Pas miqësores në Nice kundër Chelsea, është parë një Spaletti pak i nervozuar dhe jo për ndeshjen. Limitet e Fair Play-it Financiar do të pasqyrohen te numri i lojtarëve që trajneri do të ketë në dispozicion për sezonin e ri.
Shqetësimi i trajneri po rritet me kalimin e ditës, sepse mbyllja e merkatos po afron. Tekniku e di se, për mënyrën si është e ndërtuar sot, Inter nuk është akoma në nivelin e duhur për të luftuar për titullin me Juventus-in e Cristiano Ronhaldo-s.
Por di edhe se janë bërë disa hapa përpara në krahasim me organikën e sezonit të kaluar. Gjithashtu, blerja e një mbrojtësi të krahut është shumë afër (Vrsaljko), por është objektivi tjetër, mesfushori, që po bëhet gjithnjë edhe më i vështirë.
Është shumë e vështirë të afrohet një emër i madh, si Vidal, me limitet e vendosura nga FFP. E vetmja zgjidhje është shitja e ndonjërit prej lojtarëve që Spalletti ka në dispozicion.
Trajneri ka qenë shumë i pakënaqur me disa prej lojtarëve në përfundim të ndeshjes me Chelsea-in. Këta, nga të cilët Spalletti priste diçka më shumë, mund të konsiderohen në rrezik. Bëhet fjalë për Vecino dhe Gagliardini, situata e të cilëve duhet monitoruar me vëmendje.
