Ende pa filluar mirë sezoni, për Barcelonën vijnë edhe probleme nga infermieria. Në sfidën ndaj Tottenhamit, në International Champions Cup, Andre Gomes dhe Denis Suarez kanë shfaqur probleme fizike që ndërlikojnë jo pak planet e katalanëve.
Mesfushori portugez do të qëndrojë 2 muaj larg fushave, ndërsa ai spanjoll 2-3 javë, por që të dy nuk janë në planet e Valverdes dhe klubi priste oferta për ta. Të paktën dëmtimi i Gomes e nxjerr lojtarin pothuajse jashtë merkato, ndërsa për Suarezin ka ende ekipe që e duan në huazim në kampionatin spanjoll.
