Paris Saint-Germaini nuk është duke treguar shenja dorëzimi në përpjekjet e tij për ta transferuar superyllin e Chelseat, N’Golo Kanten, raporton Mirror.
Kampioni i Francës e dëshiron me patjetër në skuadër fituesin e Kupës së Botës, N’Golo Kanten, transmeton Express.
Chelsea i ka ofruar mesfushorit kontratë të re, e cila do ta bënte atë lojtarin më të paguar në klub, por PSG-ja ka para për ta mundur ofertën e të kaltërve nga Londra perëndimore.
Edhe para se ta fitonte Kupën e Botës me Francën këtë verë, Kante ka qenë synim kryesor i gjigantit të Ligë 1 që prej ardhjes së trajnerit të ri, Thomas Tuchel, në klub.
