lkay Gundogan e ka nisur seancën e fundit stërvitore me një maskë mbrojtëse pasi i është nënshtruar një operacioni në hundë për heqjen e mishit të huaj. Operacioni i mesfushorit, që ishte parashikuar prej kohësh, u bë pasi Gjermania doli para kohe nga Kupa e Botës 2018.
Gundogan erdhi në pikën e grumbullimit të Manchester City, për të nisur përgatitjet për sezonin e ri, por këtë herë ishte i maskuar dhe këtë maskë do ta përdorë në dy javët e para të Premier League.
27-vjeçari bëri shaka me shokët e ekipit dhe në rrjetet sociale duke e quajtur veten “Zorro”, si personazhi i famshëm spanjoll i maskuar.
Gundogan do të jetë në dispozicion të trajnerit Pep Guardiola duke nisur nga ndeshja e së dielës në “Wembley”, Superkupa e Anglisë kundër Chelsea.
