Armando Sadiku është vërtetë i pafat. Sulmuesi i kombëtares sonë ka marrë ditën e sotme një lajm të hidhur pasi vizitave që kreu për shkak të dëmtimit të pësuar 2 ditë më parë.
“Testet mjekësore të zhvilluar gjatë ditës së sotme për Armando Sadikun konfirmojnë se sulmuesi shqiptar ka pësuar këputjen e ligamenteve të gjurit të majtë. Futbollisti do të operohet sot pasdite. Ai doli i dëmtuar në pjesën e dytë të ndeshjes së të shtunës përballë Herenven. Parashikohet një fazë riaftësimi prej 6 muajsh”, shkruhej në njoftimin e klubit.
Kjo do të thotë se Sadiku e ka mbyllur këtë vit. Atij do ti duhet të rikthet në 2019 në fushë.
