Manchester United ka një marrëveshje me Tottenhamin për nënshkrimin e Toby Alderweireld, por “Spurs” kanë refuzuar të konkludojnë derisa të kenë sjellë një zëvendësim për ndërkombëtarin e Belgjikës.
Manchester United e ka ndjekur 29-vjeçarin gjatë gjithë verës, por ka zgjeruar interesimin dhe ofertën financiare kohët e fundit, pas dështimit fillestar për të rënë dakord me presidentin Daniel Levy.
Kjo çoi në interesimin më të madh për mbrojtësin e Anglisë e të Leicester City, Harry Maguire, por një çmim i ngjashëm prej 75 milionë paundësh bëri që fokusi të rikthehej te Alderweireld.
“Goal” kupton se një kompromis u arrit më në fund në mes të “Spurs” dhe Manchester United, javën e kaluar, me kusht që Tottenham të mund të gjejë zëvendësuesin. Kjo pistë bëri që të ishte fare i shkurtër interesimi për Yerry Mina të Barcelonës, ndërsa hetimi i një piste tjetër mbi disponueshmërinë e Jerome Boateng të Bayern Munich rezultoi negative.
Nëse “Djajtë e Kuq” kanë vendosur për Alderweireld, ata do të dëgjojnë tashmë oferta për mbrojtësin argjentinas, Marcos Rojo, deri më 31 gusht, kur mbyllet merkatoja në Europë. Trajneri Mourinho duket i interesuar të ulë numrin e lojtarëve mbrojtës qendrorë në skuadrën e tij.
