Modric po, Modric jo! Milano zikaltër po bën vazhdimisht pyetje për përfundimin e dilemës për të ardhmen e kroatit. Zërat që vijnë nga Madridi janë shumë kontrakditore.
Ndoshta, një e dhënë për këtë rebus të madh të merkatos mund të vijë në mënyrë indirekte nga Mario Mandzukic, gjithnjë nëse nuk është një provokim i studiuar mirë në rrjetet sociale (që duke parë komentet e tifozëve duket i arrirë).
Sulmuesi kroat i Juventus ka postur në faqen e tij në “Instagram” një fotografi me mesfushorin e Real Madrid, shoqëruar me fjalinë: “Vera mbaroi. Erdhi koha të kthehemi në klubet tona përkatëse.”
Pra, nëse Mandzukic do të kthehet në Torino, ka shumë gjasa që Luka të vazhdojë të jetë pjesë e Real Madrid. Inter shpreson që “jo”.
