Agjenti i Daniele Ruganit, Davide Torchia, zbuloi se Chelsea bëri një ofertë të madhe për mbrojtësin e Juventusit, edhe pse kampionët e Seria A nuk kanë plane për ta shitur mbrojtësin italian.
Rugani, 24 vjeç, është lidhur me gjigandët e Premier League, Chelsea, gjatë gjithë merkatos së kësaj vere, sidomos pasi ish-trajneri i Napolit, Maurizio Sarri, zëvendësoi Antonio Conte në “Stamford Bridge”.
Dhe Torchia thotë se një ofertë masive e bluve të Londrës nuk ishte e mjaftueshme për të provokuar bardhezinjtë. “Juventusi nuk ka dëshirë ta shesë, madje as për një çmim të lartë, të cilin, ndër të tjera, askush në Itali nuk mund ta përballojë, – tha Torchia për “RMC Sport”.
– Megjithatë, lojtari nuk ka kërkuar kurrë të largohet. Vetëm kur një ofertë shumë e rëndësishme arrin, është normale të dëgjojë, por Juventusi ka hedhur poshtë të gjitha llojet e ofertave për ta mbajtur atë në Torino.
Chelsea bëri një ofertë vërtet të madhe, e cila ishte e afërt për të qenë e paimagjinueshme për mua, por Juventusi nuk u tundua. Sami Khedira ka luajtur vetëm 10 ndeshje më shumë se Daniele sezonin e kaluar. Mendoj se Rugani mund të luajë edhe më shumë këtë sezon”.
Rugani ende do të ketë mjaft konkurrencë për një vend titullari, me Leonardo Bonucci që u kthye në Torino si pjesë e marrëveshjes që pa Caldara dhe Gonzalo Higuain të bashkoheshin me Milanin.
