Atletja shqiptare Luiza Gega ka përfunduar në vend të dytë në baterinë e saj.
Lajmin e konfirmojnë mediet e huaja që kanë publikuar rezultatin nga gara e 3000 metërshit e vrapimit që po mbahet në Kampionatin Europian.
MË HERËT
Pavarësisht manipulimit të të rezultateve të atletit shqiptar Izmir Smajlaj, duke e lënë jashtë podiumit, pritshmëritë për Shqipërinë në Kampionatin Europian të Atletikës janë edhe te Luiza Gega, që pretendon medalje.
Atletja elitare do të garojë më 10 gusht në baterinë e saj kualifikuese, një provë relativisht e lehtë për ambiciet e Gegës dhe përgatitjen e saj që pritet ta çojë në finale.
Luiza Gega, që vjen në këtë Europian si kampione e Lojërave Mesdhetare me medaljen e artë, do të garojë në 3.000 metra me pengesa, finalet e të cilit zhvillohen më 12 gusht, në Berlin.