Reali i Madridit do të zbresë sot në mbrëmje, në orën 21:00, në stadiumin “Santiago Bernabeu” për trofeun që mban të njëjtin emër me impiantin prej 80 mijë vendesh, një sfidë historike në nder të presidentit më legjendar të klubit spanjoll.
Kundërshtari i “galaktikëve” do të jetë skuadra e Milanit, një ndeshje madhështore, edhe pse fatkeqësisht prestigji i saj ka humbur disi në vitet e fundit, duke parë krizën e rezultateve dhe atë ekonomike ku kanë notuar kuqezinjtë.
Gjithsesi, nëse interesi për të parë në aksion Realin e ri të Hulen Lopeteguit do të jetë i madh, akoma më i madh do të jetë interesi për të parë në aksion për herë të parë Milanin e Gonzalo Higuainit. “Pipita” do të rikthehet në Madrid si kundërshtar me një tjetër fanellë, pasi këtë e pati bërë edhe me bluzën e Juventusit.
