Transferimi i Luka Modric tek Interi mund të varet nga fakti nëse Tottenham është i gatshëm ta shesë Christian Eriksen te Real Madridi. Kështu njofton gazetari i njohur sportiv italian, Gianluca Di Marzio.
Mesfushori kroat po e shtyn klubin mbretëror spanjoll për ta lejuar atë të bashkohet me Interin, por kampionët europianë në fuqi nuk do të sanksionojnë një lëvizje të tij, pa siguruar një zëvendësim të gatshëm dhe cilësor.
“Los Blancos” duan që Eriksen të hyjë në vendin e Modric në mesfushë, por Tottenham po kërkon rreth 180 milionë paundë për yllin danez.
