Juventusi ka rritur të ardhurat e tyre të biletave me pothuajse për 50% në ndeshjen e parë në shtëpi kundër Lazios javën e kaluar.
Biletat sezonale për lojërat e Juventusit u shiten më pak se një javë pasi klubi njoftoi nënshkrimin e Cristiano Ronaldos në korrik. Tifozët e Juventusit nxituan në zyrat e biletave për të rinovuar biletat e tyre të sezonit edhe pse çmimet janë ngritur pothuajse 30% krahasuar me periudhën 2017/18.
Në ndeshjen e parë në shtëpi kundër Lazios të shtunën, Juventusi bëri 2.704.173 euro, 48% shtesë në krahasim me ndeshjen e parë të sezonit të kaluar kundër Cagliarit.Paraja shtesë e bërë nga Juventusi për Lazion është 882 mijë e 541euro krahasuar me sezonin e kaluar.
Zonja e Vjetër raportohet gjithashtu se ka shitur më shumë se 55 mijë fanella në muajin e parë të Ronaldos duke qenë një lojtar i Juventusit (të ardhura prej 6.3 milionë euro). Nëse fanellat do të shiten me këtë ritëm për pjesën tjetër të sezonit, Juventusi do të fitojë rreth 55 deri në 65 milionë euro.
