Inter nuk e ka nisur mirë kampionatin, me vetëm një pikë në dy javët e para të Serie A, por merkato është mbyllur dhe zikaltërit nuk mund të afrojnë asnjë futbollist tjetër, por duke parë që përbërja e ekipit ka bollëk atëherë po punohet në aspektin e largimeve.
Sipas asaj që bën të ditur “Tuttosport”, drejtuesit e Inter po kërkojnë të shesin me çdo kusht Joao Mario dhe Antonio Candreva.
Të dy futbollistët kanë marrë oferta nga Ligue 1, La Liga dhe Bundesliga, por i takon atyre të vendosin. Nëse ata pranojnë, Inter do të ishte dakord edhe me huazimin, pa kërkuar parà menjëherë…
