Veç golave dhe spektaklit, miqësorja e luajtur në Antalia, mes Fenerbahçes dhe Kukësit prodhoi edhe tension dhe përplasje fizike në minutat e fundit të ndeshjes. Kjo gjë nuk i ka shpëtuar as mediave turke të cilat i kanë kushtuar një vëmendje të veçantë këtij incidenti.
Dy protagonistët kryesor të zënkës ishin portierët, Volkan Demirel dhe Ervis Koçi. Portieri turk shtyu portierin e tretë të Kukësit dhe nuk i ka shpëtuar dot kritikave të mediave turke. Ja çfarë shkruajnë ato:
Turkfutbol: Volkan Demirel zihet në ndeshje miqësore
Futbolarena: Mbyllet me tension ndeshja me Kukësin
Ajansspor: Volkan Demirel çmendet në ndeshjen kundër Kukësit
Goalbien: Shumë tension në ndeshjen miqësore. Volkan nis sherr