Alesandro Nesta është trajner i Peruxhias, por lidhja me Milanin nuk është shkëputur nga vitet. I pyetur mbi një mendim për gjendjen aktuale të klubit, ish-mbrojtësi ka sqaruar:
“Gatuzo është si një çekiç, i tillë ka qenë si lojtar e duket se nuk ka ndryshuar as tani si trajner. Jam shumë i lumtur që në klub është rikthyer ai dhe figura të tjera që kanë bërë historinë. Projekti i kuqezinjve më pëlqen, ka personazhe të rëndësishme dhe me ide të qarta. Është thelbësore prania e këtyre njerëzve, pasi për të ndërtuar sukseset duhet një urë lidhëse mes së kaluarës dhe së tashmes. Historia nuk mund të fshihet dhe te Milani tashmë ka njerëz që e dinë si fitohet”.
