Shqipëria do të luajë në 7 shtator ndeshjen e saj debutuese në Ligën e Kombeve ku përballë do të ketë skuadrën e Izraelit. Ndeshja do të luhet në “Elbasan Arena” dhe menjëherë trajneri Kristian Panuçi mes shumë problemeve në skuadër, ka filluar përgatitjet në këtë ndeshje.
Tekniku italian i ka grumbulluar lojtarët në Tropikal Resort në Durrës dhe në orën 17:00 ka filluar seancën e parë stërvitore. Ajo që ra në sy në stërvitje ishte edhe prania e Presidentit të Federatës Shqiptare të Futbollit, Armando Duka i shoqëruar nga zëvendës presidenti, Lufti Nuri.
