Sulmuesi i Totenhemit, Herri Kejn, nuk e fsheh lumturinë pas kualifikimit dramatik të skuadrës së tij. “Patëm disa raste, por topi nuk donte të hynte. Megjithatë, ne nuk u dorëzuam. Nuk ishim të sigurt për rezultatin e ndeshjes tjetër. Jemi shumë të lumtur që u kualifikuam. Një barazim në Barcelonë nuk është një rezultat i keq”, tha sulmuesi. Ndërsa portieri Hugo Loris shtoi:
“Është e vërtetë që patëm ndihmën e PSV-së. Ishte e vështirë pas golit të disavantazhit të shpejt, por ne ruajtëm parimet tona dhe luajtëm shumë mirë. Nuk fituam, por u kualifikuam. Shpirti ishte fantastik. E meritojmë kualifikimin. E kuptova nga reagimi i tifozëve që u kualifikuam”.
