Ander Herrera është shumë pranë largimit nga Manchester United. Mesfushori spanjoll, i cili ka kontratë deri në fund të sezonit aktual me “Djajtë e Kuq” nuk ka marrë asnjë sinjal nga drejtuesit për mundësitë e rinovimit. Duke parë një situatë të tillë, që e ka zhgënjyer së tepërmi, 29-vjeçari do të kërkojë largimin që në merkaton e janarit dhe ofertat për të nuk mungojnë.
Në merkaton e dimrit Manchester United mund të kërkojë deri në 10 milionë euro për kartonin e spanjollit dhe nëse do të rezistojë atëherë, do ta humbiste me parametër zero 6 muaj më pas lojtarin. Për mesfushorin interes ka klubet spanjolle dhe ato italiane. Atletico Madrid e pret krah hapur “demin spanjoll”.
