Tirana zhvilloi ditën e sotme një tjetër test miqësor, pas atij ndaj Vllaznisë, që u luajt të dielën në “Selman Stërmasi”. Trajneri Orges Shehi, në këtë përballje iu dha hapësira lojtarëve që u aktivizuan më pak minuta ndeshjen e djeshme, teksa testin e sotëm e vendosi goli i Grent Halilit, në minutën e 65-të.
Edhe miqësorja e sotme ndaj Burrelit të Sajmir Patushit, u zhvillua po në stadiumin “Selman Stërmasi”. Bardheblutë zbritën në fushë nga minuta e parë me këtë formacion:
Lika, Nuriu, Najdovski, Zhivanaj, Musaj, Kuka, Qefalia, Stafa, Halili, Beshiraj, Gjumsi. Trajner: Orges Shehi.
