Wesley Sneijder do të përshëndesë kombëtaren holandeze dhe tifoxët në miqësoren që “Oranje” do të luajnë mbrëmjen e sotme kundër Perusë.
Ish-mesfushori i Inter do të veshë për herën e 134-t dhe të fundin fanellën e përfaqësueses. Ndërkohë, trajneri Koeman mund të vendosë të lërë në stol De Vrij dhe të aktivizojë De Ligt nga minuta e parë.
Një lajm ky që, nëse konfirmohet, do të lumturonte trajnerin e Inter, Luciano Spalletti. Në fakt, pas ndeshjeve të kombëtareve, zikaltrit i pret një “tour de force” mes kampionatit dhe Champions-it.
Milanezët do të luajnë një ndeshje çdo tri ditë deri 7 tetorin e ardhshëm dhe do të jetë e rëndësishme që të gjithë lojtarët të jenë në maksimumin e formës.
