Elseid Hysaj është një ndër lojtarët kryesor të skuadrës së Napolit, ku në vitet e fundit nuk e ka diskutuar për asnjë moment vendin e titullarit dhe kjo i ka bërë drejtuesit e skuadrës së kaltër që të mendojnë për një rinovim të kontratës, jo vetëm me të, por edhe me disa futbollistë të tjerë.
Sikurse raporton “Il Mattino”, për Hysajn klauzola do të jetë rreth 150 milion euro, shifër e “çmendur” për anësorin tonë. Kujtojmë që pas largimit të teknikut Maurizio Sarri, mediat në Itali here pas here raportonin se mbrojtësi do të transferohej në Londër, por tashmë merkatoja përfundoi dhe diçka e tillë nuk ndodhi.
