Agjenti i Riccardo Montolivo-s pretendon se lojtari i Milan është një lojtar që do t’i përshtatej më shumë Italisë se Jorginho.
Montolivo me shumë mundësi nuk do të qëndrojë te Milan pas këtij sezoni, kur kontrata t’i mbarojë, teksa thuhet se ai nuk bën pjesë te planet e Gennaro Gattuso-s për Kuqezinjtë.
Gjithsesi, Giovanni Branchini është shprehur për Corriere dello Sport: “Nëse Italia luan me Jorginho-n në mesin e fushës, unë po ju them se Montolivo, i cili po lihet jashtë ekipit në mënyrë skandaloze nga Gattuso, është shumë herë më i mirë.”
33-vjeçari nuk ka luajtur me Italianë që prej ndeshjes ndaj Izraelit në majin e 2017.
