Cristiano Ronaldo mund t’i ketë mbushur 34 vjeç, mirëpo ai ende posedon mjaft shumë shpejtësi. Këtë e dëshmoi gjatë fitores së Juventusit me rezultat 4:3 kundër Napolit, duke vrapuar nga njëra portë te tjetra.
Në minutën e 15-të të ndeshjes, Juventusi e pati mundësinë ta nisë një kundërsulm dhe Cristiano Ronaldo vrapoi në fushë me shpejtësinë që e kishte shfaqur veçanërisht gjatë kohës së tij në Manchester United.
Portugezi arriti nga njëra zonë e 16-metërshit te tjera brenda vetëm 10 sekondave, duke shënuar shpejtësi prej 33.12 kilometrash në orë, përderisa Juventusi po tentonte të kalonte nga faza e mbrojtjes në atë të sulmit.
Vetëm vitin e kaluar, në Rusi, Ronaldo ishte më i shpejti në Kupën e Botës, duke i lënë prapa vetes 735 lojtarë në këtë turne. Ai e arriti këtë përmes vrapit të tij në ndeshjen kundër Spanjës, kur shënoi het-trik.
Ndërsa këtë verë, pesë-herë fituesi i Topit të Artë e turpëroi bashkëlojtarin e tij, Gonzalo Higuainin, në një test të shpejtësisë gjatë një seance përgatitore për sezonin e ri.
This has to be one of the fastest counter attack in football history. Haven't seen anyone as quick as Cristiano Ronaldo on the counters… pic.twitter.com/WGRc5VxGwE
— Krooos T8 (@KroosT8) June 16, 2018
Getting in the sprints 🏃🏻💨#FinoAllaFine pic.twitter.com/vJ2huf8ZNG
— JuventusFC (@juventusfcen) July 16, 2019
