Gjatë gjithë verës mesfushori i Lacios Sergej Milinkovic- Savic u “peshkua” nga klubet më të mira në botë, por klubi Italian rezistoi “heroikisht” ofertave të çmendura duke rritur çmimin për talentin serb. Bardhekaltërit po mendojnë që tani që të shmangin largimin e mundshëm të Savic duke i ofruar një kontratë të re që do ta mbajë ende mesfushorin serb për vite të tjera në Romë.
Lajmin e ka dhënë drejtori sportive i Lacios Igli Tare
“Tani është vetëm çështje ditësh. E tëra do të përfundojë gjatë javës së ardhshme. Marrëveshjet janë përfunduar dhe do të nënshkruhen”, ka thënë drejtori sportiv i Lazio.
Lacio refuzoi ta shiste “xhevahirin e ekipit” për më pak se 110 milionë € te Manchester United. Në radhë për rrëmbyer Savicin u vunë Real Madrid, Juventus, Barcelona dhe Chelsea, por asnjëri nuk i ishte në gjendje të plotësonte kërkesat e Lacios.
