Ka startuar ndeshja në “Redi Maloku” midis skuadrës së Kastriotit dhe Laçit në kuadër të javës së pestë të Kategorisë Superiore. Trajneri Elvis Plori ka hedhur në fushë një skuadër sulmuese, por edhe trajneri Mërgjyshi është shprehur se nga kjo ndeshje kërkon të marrë me tre pikët.
Krutanët vijnë nga një humbje nga java e kaluar nga skuadra e Kamzës, ndërsa Laçi nga një barazim me skuadrën e Partizanit. Sfida padiskutim që premton spektakël ndërkohë më poshtë ndiqni komentin “live” të ndeshjes.
Mbyllet pjesa e parë, 0-0.
45+2′ Kastrioti me 10 lojtarë, Emiljano Çela ndëshkohet me karton të kuq për një ndërhyrje të ashpër ndaj Fangajt.
45′ Akordohen 2 minuta shtesë.
40′ Mersinaj provon me një gjuajtje të bukur, por reagon mjaft mirë Kuka që i mohon golin e avantazhit kurbinasve.
37’ Najdenov reagon keq në mesfushë duke shtyrë Shehun dhe gjyqtari i jep karton të verdhë.
33’ Mundësi kundërsulmi për Laçin, por në hyrje të zonës janë kurbinasit që ngatërrohen duke humbur mundësinë e mirë.
25′ Xhixha merr një top të bukur nga Shtubina dhe del i vetë përballë portës, por ndërhyn mbrojtja e Kastriotit duke e larguar topin në këndore.
20′ Ulet rendimenti i ndeshjes me ndërprerje të shumta për shkak të faulle në mesfushë.
10’ Krosim në zonën e Laçit, godet me kokë Marku por topi përfundon në duart e portierit Selmani.
8’ Galego shkakton një goditje dënimi ndaj Elerit dhe ndëshkohet me karton të verdhë.
4′ Kastrioti provon të rrezikojë në portën e Selmanit, por largojn rrezikun mbrojtësi Mersinaj.
1′ Ka startuar takimi në Fushë-Krujë.
