Kategoria Superiore “pushon” për t’u rikthyer në aktivitet në mesjavë. Por Kategoria e Dytë do të vazhdojë me punën e saj me ndeshjet e radhës. Sytë do të përqëndrohen te derbi i orës 16:00 midis Këlcyrës dhe Përmetit.
Megjithatë duket se kujtimet e 10 muajve më parë nuk janë fshirë ende nga tifozët e Këlcyrës. Përballja e fundit u shoqërua me incidente të dhunshme ku u godit nga lojtarët e Këlcyrës gjyqtari Alvi Paço. Por, pas gati një viti ai kthehet të gjykojë të njëjtin takim me të njëjtin grup gjyqtarësh.
